प्रेम नै हो साधना, प्रेम मेरो साध्य हो।
प्रेम नै आराधना,प्रेम नै आराध्य हो।
धराको हो गुरुत्व यो, आकाशको आसक्ति हो।
फूलको आह्वानमा, भ्रमरको यो अनुरक्ति हो।
चन्द्रमाको प्यारमा, सूर्य लाग्छ पागल।
धर्तीको प्यास मेट्न,दौडिरहन्छ बादल!
प्रेमले नै थाम्दछ,ग्रह, नक्षत्र,सगर।
पूर्ण‌चन्द्र चुम्नलाई , सिन्धु-उरमा लहर।
सृष्टि यो धड्किरहेछ, प्रेमले निर्बाध।
धर्तीलाई प्रेम गर्नु,मेरो हो अपराध!!
(फेसबुक खुल्यो -प्रेमको जादुले!)