एमाले सचिवालयमा प्रतिनिधि सभा पुनःस्थापनाबारे गहिरो विभाजन

वरिष्ठ नेताहरू चुनाव र नेतृत्व परिवर्तनको पक्षमा, ओली पुनःस्थापनामा अडिग—पार्टीभित्र राजनीतिक रणनीति र भविष्यलाई लिएर द्विविधा

प्रतिनिधि सभा पुनःस्थापनाबारे नेकपा (एमाले) सचिवालय दुई भागमा विभाजित भएको छ। अध्यक्ष केपी शर्मा ओली संसद पुनःस्थापनाको लाइनमा अघि बढ्न चाहन्छन् र सचिवालय बैठकबाट यही एजेन्डा पारित गराउन खोज्दै छन्। उनले चुनावको सट्टा संसद फिर्ता गरेर आन्दोलनमार्फत देशलाई “सही बाटोमा फर्काउने” दाबी गरेका छन्।

तर पार्टीभित्रका वरिष्ठ नेताहरू जस्तै ईश्वर पोखरेल, सुरेन्द्र पाण्डे, योगेश भट्टराई, गोकर्ण विष्ट लगायत धेरै नेता पुनःस्थापनाविरुद्ध र चुनावको पक्षमा छन्। उनीहरूले ओलीको प्रस्ताव असान्दर्भिक भन्दै रोक्ने वा Note of Dissent लेख्ने चेतावनी दिएका छन्।

यसै क्रममा केही नेताहरूले ओलीलाई ‘स्टेप डाउन’ गर्नुपर्ने माग राख्दै पार्टी पुनर्गठनको आवाज उठाउँदै छन्। उपाध्यक्ष विष्णु पौडेल, रामबहादुर थापा ‘बादल’ लगायतका नेताहरू ओलीको नेतृत्व फेर्ने पक्षमा उभिन सक्ने बताइएको छ।

ओलीले नेपाली कांग्रेस पनि पुनःस्थापनाको पक्षमा आउने विश्वास व्यक्त गरे पनि कांग्रेसभित्र यस्तो सहमति देखिएको छैन। बैठकमा संसद पुनःस्थापना र पार्टी पुनःगठन दुवै एजेन्डा तीव्र ढंगले उठ्न जािरहेका छन्।