जनकपुरधाम, १५ मंसिर । जनकपुरधाममा व्यावसायिक क्षेत्रसँग सम्बन्धित संवाद कार्यक्रम सम्पन्न भएको छ। NYEF–जनकपुर च्याप्टरको आयोजनामा तथा International Idea को सहकार्यमा Business Connect Dialogue कार्यक्रम सम्पन्न भएको हो।

कार्यक्रममा विभिन्न व्यावसायिक क्षेत्र, उद्योग तथा सरकारी निकायका प्रतिनिधिहरूको सहभागिता रहेको थियो। कार्यक्रममा हालै सम्पन्न आन्दोलनपछि अर्थतन्त्रमा परेको प्रभाव, चुनौती र सम्भावनाबारे छलफल गरिएको छ। सहभागीहरूले वर्तमान अवस्थामा देखिएको समस्या समाधान गर्न सहकार्य र एकीकृत दृष्टिकोण आवश्यक रहेको बताएका छन्।

कार्यक्रम सफल बनाउन योगदान गर्ने NYEF जनकपुरका सबै नेतृत्व तथा सदस्यहरूलाई धन्यवाद दिइएको छ। साथै, विशेष सहयोग प्रदान गर्नुभएको पवित्र बहादुर गौतमप्रति आभार व्यक्त गरिएको छ। सहकार्य, नविन सोच र साझा दृष्टिकोणका साथ आगामी दिनहरूमा अघि बढ्ने प्रतिबद्धताका साथ कार्यक्रम सम्पन्न भएको हो।