काठमाडौं । नेपाली कांग्रेसका महामन्त्री गगन थापाले पार्टी नेता विमलेन्द्र निधिमाथि मंगलबार दिउँसाे पार्टी कार्यालय बाहिर भएको दुर्व्यवहारप्रति आपत्ति जनाउनुभएकाे छ।

महामन्त्री थापाले मंगलबार राति सामाजिक सञ्जालमार्फत यस्ताे आपत्ति जनाउनुभएकाे हाे। उहाँले यस्तो व्यवहार प्रजातान्त्रिक मूल्य–मान्यता विपरीत भएको समेत बताउनुभएकाे छ। त्यस्तै, महामन्त्री थापाले पार्टी महामन्त्री विश्वप्रकाश शर्माले यस विषयमा व्यक्त गरेको मतसँग आफू पूर्ण रूपमा सहमत रहेको उल्लेख गर्नुभएकाे हाे।

 
महामन्त्री थापाले असल प्रजातन्त्रवादीले फरक विचार र मतको सम्मान गर्नुपर्नेमा जोड दिनुभएकाे छ।